Maliyyə naziri: "Bu il sosial-iqtisadi cəhətdən digər ölkələr kimi Azərbaycan üçün də ağır il olub"

“2020-ci il sosial-iqtisadi cəhətdən bütün dünya ölkələri kimi Azərbaycan üçün də ağır il olub”.

“Report” xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında gələn ilin dövlət və icmal büdcələrinin müzakirəsi zamanı maliyyə naziri Samir Şərifov deyib.

Onun sözlərinə görə, hökumətin gördüyü nəticəsində 2020-ci ildə pandemiyanın insanlara təsirinin aradan qaldırılması üçün genişmiqyaslı tədbirlər həyata keçirilib.