Əli Hüseynli: "Bəzən sosial şəbəkələrdə insanların şərəf və ləyaqətinin toxunulmazlıq hüququ pozulur"

Bakı. 25 yanvar. REPORT.AZ/ “İnformasiya texnologiyalarından istifadə zamanı insanların şərəf və ləyaqətlərinin və şəxsi həyatın toxunulmazlığı hüququnun qorunmasına nəzarətin təmin edilməsi çox fundamental məsələdir. İnternetdən ən çox gənclər istifadə edir. Təəssüf ki, bəzi hallarda məhz informasiya texnologiyalarından, sosial şəbəkələrdən istifadə zamanı insanların şərəf və ləyaqətinin toxunulmazlıq hüququnu pozurlar”.

“Report” xəbər verir ki, bunu Milli Məclisin Gənclər və idman komitəsinin bu gün keçirilən iclasında komitə üzvü, millət vəkili Əli Hüseynli deyib.

O qeyd edib ki, bu məsələnin tənzimlənməsi digər qanunlarda əksini tapıb, amma tam təmin edilməyib.