Əhliman Əmiraslanov: “Azərbaycanda psixoloji yardım yox səviyyəsindədir”

Bakı. 23 may. REPORT.AZ/ “Azərbaycanda psixoloji yardımın səviyyəsi çox aşağıdır. Bu xidmət, demək olar ki, yoxdur. Psixoloji yardımı göstərən axtarıb tapsaq, görəcəyik ki, savadı yoxdur, ya da ekstrasensdir”.

“Report”un xəbərinə görə, bunu Milli Məclisdə “Azərbaycan ailə modeli: Müasirlik və dəyərlər” mövzusunda keçirilən dinləmədə parlamentin Səhiyyə komitəsinin sədri Əhliman Əmiraslanov deyib.

Komitə sədri qeyd edib ki, psixoloji yardımla bağlı problem aradan qaldırılmalıdır.

Ə.Əmiraslanov vurğulayıb ki, bu problemin həlli üçün hüquqi baza yaradılacaq, “Psixoloji yardım haqqında” qanun qəbul olunacaq.