Deputatlar COVID-19-la mübarizə aparanları alqışladı

Milli Məclisin bu gün keçirilən iclasında koronavirus pandemiyasına qarşı mübarizədə fədakarlıq nümayiş etdirən insanların əməyi alqışlanıb.

“Report” xəbər verir ki, bunu Milli Məclisin Sədri Sahibə Qafarova parlamentin bu gün keçirilən iclasında təklif edib ki, pandemiyaya qarşı mübarizədə fədakarlıq nümayiş etdirən insanların əməyi deputatlar tərəfindən ayaq üstə alqışlansın.

Deputatlar pandemiyaya qarşı mübarizədə peşə və vətəndaşlıq borclarını şərəflə yerinə yetirən insanların əməyini ayaq üstə alqışlayıblar.