Deputat: “İnsan alverinə qarşı mübarizə ilə bağlı aparılan maarifləndirmə işi bəzi hallarda bunun təbliğinə yol açır”

Bakı. 2 may. REPORT.AZ/ “İnsan alverinə qarşı mübarizə ilə bağlı aparılan maarifləndirmə işi bəzi hallarda bunun təbliğinə yol açır. Maarifləndirmə işini düzgün qurmaq lazımdır”.

“Report”un xəbərinə görə, bunu Milli Məclisin İnsan hüquqları, Hüquq siyasəti və dövlət quruculuğu komitələrinin birgə iclasında Azərbaycanın İnsan alverinə qarşı mübarizə üzrə Milli Koordinatorunun 2017-ci il üzrə illik məlumatının müzakirəsi zamanı deputat Hikmət Məmmədov deyib.

O qeyd edib ki, maarifləndirmə işinin təşkilində xüsusi mütəxəssislər iştirak etməlidir: “Həmin şəxslərin yüksək pedaqoji keyfiyyətləri olmalıdır, psixologiyanı dərindən bilməlidirlər. Əks halda, bu iş nəticə verməyəcək”.