Yuxarı

Deputat Azərbaycan parlamentinin medalının təsis edilməsini təklif edib

© Report — Parlamentin İctimai birliklər və dini qurumlar komitəsinin sədri, hakim Yeni Azərbaycan Partiyası (YAP) icra katibinin müavini Siyavuş Novruzov

Bakı. 12 oktyabr. REPORT.AZ/ Milli Məclisin bu gün keçirilən plenar iclasında parlamentin İctimai birliklər və dini qurumlar komitəsinin sədri, hakim Yeni Azərbaycan Partiyası (YAP) İcra katibinin müavini Siyavuş Novruzov parlamentin medalının təsis edilməsini təklif edib.

“Report”un xəbərinə görə, S.Novruzov xatırladıb ki, Azərbaycan Parlamentinin 100 illiyinə həsr edilən xatirə medalı təsis olunub: “O, muzeyə qoymağa və ya nəvələrə göstərmək üçün yaxşıdır. Amma onu gəzdirmək olmur”.

Onun sözlərinə görə, bəzi dövlət qurumlarının medalları var, müvafiq olaraq xidmətə görə təqdim edilirlər: “Təklif edirəm ki, Milli Məclisin də belə bir medalı olsun, parlament üzvlərinə, parlamentlə əməkdaşlıq edən nazirlik və komitə üzvlərinə təqdim edilsin. Yəni kim layiqdirsə, ona təqdim olunsun”.

S.Novruzovun çıxışı alqışlarla qarşılanıb.

Deputat Vahid Əhmədov da belə bir medalın təsis edilməsinin vacibliyini vurğulayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi