Azərbaycanda təhsilini qızıl medalla başa vuran şagirdlər buraxılış imtahanından azad olunacaqlar

Bakı. 4 dekabr. REPORT.AZ/ Azərbaycanda təhsilini qızıl medal ilə başa vuran məzunlar imtahandan azad olunacaqlar.

“Report” xəbər verir ki, bu, yeni hazırlanan “Ümumi təhsil haqqında” qanun layihəsində əks olunub.

Qanun layihəsinin 13-cü (Ümumi təhsilin təşkili) maddəsinə əsasən, təhsilini qızıl medal ilə başa vuran məzunlar imtahandan azad olunaraq, yalnız müvafiq ixtisas üzrə bir imtahan verməklə ali məktəblərə qəbul olunacaqlar.

Qeyd edək ki, yeni hazırlanan qanun layihəsi parlamentin “Elm və təhsil” komitəsinin bu gün keçirilən plenar iclasında müzakirəyə çıxarılıb.