Azərbaycanda peşə təhsili alanlara hərbi xidmətdən möhlət hüququ veriləcək

Bakı. 15 noyabr. REPORT.AZ/ Azərbaycanda peşə təhsili alanlara hərbi xidmətdən möhlət hüququ veriləcək.

“Report”un xəbərinə görə, bu, yeni hazırlanan “Peşə təhsili haqqında” qanunda əksini tapıb.

Qanunun 4-cü (dövlətin vəzəfiləri) maddəsində deyilir: “Peşə təhsili müəssisələrində tam orta təhsil alan şəxslərə təhsili başa vurduqdan sonra növbəti təhsil pilləsinə qəbul prosesində iştirak üçün 1 çağırış müddətinə həqiqi hərbi xidmətdən möhlət hüququ verilir”.