Yuxarı
    Bağlamaq

    Tanınmış jurnalist vəfat edib

    Mahal İsmayıloğlu Respublika Kliniki Xəstəxanasında böyrək çatışmazlığından dünyasını dəyişib

    Bakı. 28 avqust. REPORT.AZ/ Tanınmış jurnalist Mahal İsmayıloğlu dünyasını dəyişib.

    "Report"un məlumatına görə, M.İsmayıloğlu Respublika Kliniki Xəstəxanasında böyrək çatışmazlığından vəfat edib.

    Qeyd edək ki, Mahal İsmayıloğlu 1957-ci ilin yanvarın 22-də Ermənistanın Kalinino rayonunun Evli kəndində anadan olub.

    1977-1982-ci illərdə Azərbaycan Dövlət Universitetinin (ADU) jurnalistika fakültəsində oxuyub. 1982-1984- cü illərdə İrəvanda nəşr olunan “Sovet Ermənistanı” qəzetində, baş müxbir vəzifəsində çalışıb.

    1984-1987-ci illərdə C.Cabbarlı adına “Azərbaycanfilm” kinostudiyasında redaktor işləyib. 1987-1990-cı illərdə Neft və Kimya İnstitutunun (İndiki Neft Akademiyasının) çoxtirajlı qəzetinin redaktoru olub. 1990-cı ilin avqustundan “Aydınlıq” qəzetində çalışıb. 1995-ci ilin oktyabrından 2002-ci ilin aprel ayınadək “Xalq qəzeti”nin baş redaktoru işləyib.

    Bundan əlavə, o, "Yeni Müsavat" və "Azadlıq" qəzeti ilə də əməkdaşlıq edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi