Yuxarı
    Bağlamaq

    ​İsrail jurnalistləri Azərbaycan Mətbuat Şurasında olublar

    Azərbaycan həqiqətlərinin xaricdə təbliğinə dair fikir mübadiləsi aparılıb

    Bakı. 14 aprel. REPORT.AZ/ Bu gün İsrail-Azərbaycan Beynəlxalq Assosiasiyasının dəvətilə ölkədə təşrif buyurmuş israilli jurnalistlər Azərbaycan Mətbuat Şurasında (MŞ) olublar. Bu barədə “Report”a Şuradan məlumat verilib.

    Qonaqları salamlayan MŞ sədri Əflatun Amaşov onlara rəhbərlik etdiyi qurumun fəaliyyət istiqamətlərindən söz açıb.

    Ə.Amaşov bildirib ki, ölkə jurnalistlərinin vahid özünütənzimləmə qurumu olan Mətbuat Şurasının əsas missiyası media orqanları ilə bağlı ayrı-ayrı vətəndaş qruplarından daxil olan şikayətlərin araşdırılmasından ibarətdir: “Bu missiya səmərəliliyi ondadır ki, kütləvi informasiya vasitələrinin fəaliyyətindən narazılıqlar məhkəmə müstəvisinə daşınmır. Şura həmçinin jurnalistika sahəsində müxtəlif tematik tədbirlər, layihələr də reallaşdırmaqdadır”.

    Azərbaycan və İsrail dövlətləri arasındakı mövcud əməkdaşlığın uğurlu xətt üzrə inkişafından söz açan MŞ sədri bunun media orqanlarının əməkdaşlığına da sirayət etməsinin vacibliyini vurğulayıb. Rəhbərlik etdiyi qurumun mövcud istiqamətdəki əməkdaşlığa hazır olduğunu dilə gətirib.

    Görüşdə xarici qonaqlara Azərbaycan mətbuatının hazırkı durumu, Azərbaycan dövlətinin media siyasətinin müxtəlif aspektləri ilə bağlı məlumat verilib, onları maraqlandıran suallar cavablandırılıb. Habelə qarşılıqlı maraq doğuran məsələlərə, o cümlədən Azərbaycan həqiqətlərinin xaricdə təbliğinə dair fikir mübadiləsi aparılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi