Yuxarı
    Bağlamaq

    Nazir Hüseyn Bağırov KİV nümayəndələrinə təbrik ünvanlayıb

    Ekologiya və Təbii Sərvətlər Nazirliyi xidmətlərinizi daim yüksək qiymətləndirir və təqdir edir

    Bakı. 22 iyul. REPORT.AZ/ Ekologiya və təbii sərvətlər naziri Hüseyn Bağırov Milli Mətbuat Günü münasibətilə KİV nümayəndələrini təbrik edib. "Report"un xəbərinə görə, təbrik mətnində qeyd olunub ki, 140 il əvvəl iyulun 22-də Azərbaycanda dövri mətbuatın əsasını qoymuş "Əkinçi" qəzetinin nəşri ilə əlaqədar olan bu tarix hər bir azərbaycanlı üçün əlamətdardır: "Əkinçi" qəzeti ilə əsası qoyulan milli mətbuatımız 140 illik tarixi ərzində çətin və şərəfli yol keçib, ağır sınaqlarla üzləşərək bu günə gəlib çatıb.

    Bu əlamətdar tarixin qeyd olunması artıq bir ənənəyə çevrilib. İnanırıq ki, bütün media nümayəndələri jurnalistikamızın banisi Həsən bəy Zərdabinin əsasını qoyduğu təməl ideyalara daim sadiq qalacaq, Zərdabi yolunu ləyaqətlə davam etdirəcəklər.

    22 iyul - Milli Mətbuat Günü münasibətilə KİV nümayəndələrini təbrik edir, şərəfli və son dərəcə məsuliyyət tələb edən işinizdə yeni-yeni uğurlar arzulayırıq. Ekologiya və Təbii Sərvətlər Nazirliyinin kollektivi Sizin bizə olan diqqətinizi, bizimlə əməkdaşlığa verdiyiniz önəmi, o cümlədən ətraf mühitin mühafizəsi, ekoloji tarazlığın qorunması və davamlı inkişafin təmin edilməsi sahəsindəki xidmətlərinizi daim yüksək qiymətləndirir və təqdir edir.

    Sizi bir daha təbrik edir və Kütləvi İnformasiya Vasitələrinin ölkəmizin sosial-iqtisadi cəhətdən qüdrətlənməsi yolunda bundan sonra da uğurlu fəaliyyət göstərməsini arzulayırıq". 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi