Əflatun Amaşov: "Azərbaycanda jurnalistika sahəsində çalışanların 45-55 faizi qadınlardır"

"Azərbaycanda jurnalistika sahəsində çalışanların 45-55 faizi qadınlardır".

“Report” xəbər verir ki, bunu Mətbuat Şurasının sədri, deputat Əflatun Amaşov Avropa Şurasının “Azərbaycanda gender bərabərliyi və media azadlığı” layihəsi çərçivəsində Bakıda keçirilən “Gender bərabərliyi və media” adlı konfransda çıxışı zamanı deyib.

O bildirib ki, bu gün Azərbaycan mətbuatında əsas işlək qüvvə qadınlardır. Ə.Amaşov qeyd edib ki, Mətbuat Şurasına daxil olan müraciətlərin daha çoxu qadın istismarı ilə bağlıdır.