​MTRŞ-da 20 Yanvar şəhidləri anılıb

Bakı. 19 yanvar. REPORT.AZ/ Bu gün Milli Televiziya və Radi Şurasında (MTRŞ) 20 Yanvar şəhidlərinin xatirəsinə həsr olunmuş tədbir keçirilib.

"Report"un məlumatına görə, tədbirdə çıxış edənlər 1990-cı il yanvarın 19-dan 20-nə keçən gecə baş verənlərdən söhbət açıb, hadisələrin şahidləri danışıb.

Tədbirdə 20 Yanvar hadisələrinin dünyaya çatdırılması ilə bağlı görülən işlər və bu sahədəki çatışmazlıqlar qeyd olunub.

Qurum rəsmiləri Azərbaycanın televiziya kanallarında 20 Yanvar hadisələri ilə bağlı daim geniş təbliğatın aparıldığını vurğulayıblar.