Yuxarı

TÜRKSOY-un 25 illiyinə həsr olunmuş yubiley gecəsi keçirilib

TÜRKSOY-un 25 illiyinə həsr olunmuş yubiley gecəsi keçirilib
Yubiley konsertində Türk dünyasının tanınmış bəstəkarlarının əsərləri səsləndirilib

Bakı. 29 iyun. REPORT.AZ/ Rəşid Behbudov adına Azərbaycan Dövlət Mahnı Teatrında TÜRKSOY-un 25 illiyinə həsr olunmuş yubiley gecəsi keçirilib.

"Report"un məlumatına görə, tədbiri TÜRKSOY-un baş katibi Düsen Kaseinov açaraq bildirib ki, Türk dünyasının YUNESKO-su olaraq tanınan təşkilatın 25-ci ildönümü adına layiq şəkildə qeyd olunur: "Yubiley tədbirləri Azərbaycanla yanaşı, digər türk dövlətlərində də qeyd olunacaq. Bu il həm də Azərbaycan Xalq Cümhuriyyətinin və görkəmli bəstəkar Qara Qarayevin 100 iliyi qeyd edilir. Bu münasibətlə bütün Azərbaycan qardaşlarımızı təbrik edirəm".

Mədəniyyət Nazirliyinin dəstəyi ilə baş tutan gecədə Fikrət Əmirov adına Azərbaycan Dövlət Mahnı və Rəqs Ansamblı, Qazaxıstanın “Murager” mahnı və rəqs ansamblı, Türkiyə, Özbəkistan, Qırğızıstan, Başqırdıstan və Tuvadan dəvət olunan musiqiçilər iştirak ediblər.

Yubiley konsertində Türk dünyasının tanınmış bəstəkarlarının əsərləri səsləndirilib.

Qeyd edək ki, 1993-cü il iyulun 12-də Qazaxıstanın paytaxtı Almatı şəhərində TÜRKSOY-un yaradılması haqqında Azərbaycan, Qazaxıstan, Qırğızıstan, Özbəkistan, Türkmənistan və Türkiyənin mədəniyyət nazirləri tərəfindən protokol imzalanıb. TÜRKSOY türk dövlətlərinin mədəniyyətlərini birləşdirən beynəlxalq təşkilatdır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi