Yuxarı

“İnci” qrupu Hindistanda keçirilən beynəlxalq festivalda Azərbaycanı təmsil edib

“İnci” qrupu Hindistanda beynəlxalq festivala qatılıb
© Report

Azərbaycanın “İnci” qanun (kanon) qrupu Hindistanda keçirilən “World Sacred Spirit” beynəlxalq festivalında iştirak edib.   

"Report"un məlumatına görə, aprelin 5-də Beynəlxalq Muğam Mərkəzində qrupun festivalda iştirakına həsr olunan təqdimat mərasimi keçirilib.

Əvvəlcə əməkdar artist Təranə Əliyeva rəhbəri olduğu qrupun Hindistanın Jodhpur şəhərində keçirilən “World Sacred Spirit” festivalında Azərbaycanı təmsil etməsi barədə məlumat verib.

"İnci" qrupu festivalın açılış və bağlanış konsertlərində iştirak etdi. Festival Naqaur və Mehrangah qalalarında keçirilirdi. Qrupumuz Mehrangah qalasında keçirilən solo konsertdə "Telli durnalar" türk qrupu ilə "Reyhan" mahnısını ifa etdilər. Festivalda dünyanın bir çox ölkəsindən qruplar çıxış edirdi. Festival boyu çalışdıq ki, özümüzün xalq rəqslərimizdən, muğamlarımızdan geniş istifadə edək", - o deyib.

Qrup konsertdə Beynəlxalq Muğam Mərkəzinin dəstəyi və Fransa-Azərbaycan Dialoqu Assosiyasının təşkilatçılığı ilə iştirak edib.

Təqdimatdan sonra “İnci” qanun qrupunun ifasında musiqilər səsləndirilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi