Yuxarı

Hacı Zeynalabdin Tağıyevin heykəlinin hazırlanması üçün müsabiqə iyunun 30-da başa çatacaq

Hacı Zeynalabdin Tağıyevin heykəlinin hazırlanması üçün müsabiqə iyunun 30-da başa çatacaq

"Hacı Zeynalabdin Tağıyevin heykəlinin "İçərişəhər" metrostansiyasının qarşısında qoyulması təklif olunur. Bu yeganə təklifdir və abidənin başqa məkanda qoyulması gündəmə gəlməyib".

"Report" xəbər verir ki, bunu jurnalistlərə açıqlamasında Hacı Zeynalabdin Tağıyevin xatirəsinin əbədiləşdirilməsi məqsədi ilə açıq heykəltəraşlıq müsabiqəsinin münsiflər heyətinin üzvü, Azərbaycan Memarlar İttifaqının sədri Elbay Qasımzadə deyib.

O bildirib ki, Tağıyevin heykəlinin forması ilə bağlı təkliflər hələlik müzakirə mərhələsindədir: "Müsabiqə iyunun 30-da başa çatacaq və sonra münsiflər heyəti ən layiqli layihəni seçəcək. Tağıyevin heykəlinin isə "İçərişəhər" metrostansiyasının qarşısında qoyulması təklif olunur. Hələlik bundan başqa bir təklif yoxdur".

İttifaq sədri əlavə edib ki, Azərbaycanın görkəmli memarları - Mikayıl Hüseynov və Sadıq Dadaşova da heykəl qoyulması planlaşdırılır: "Artıq heykəllərin eskizləri hazırdır, Mədəniyyət Nazirliyinə təqdim edilib".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi