Bakıda Qaraçay-Çərkəz Mədəniyyət Günləri başlayır

Bu gün Bakıda Qaraçay-Çərkəz Respublikası (Rusiya) Mədəniyyət Günləri başlayır.

Bu barədə "Report"a Rusiya İnformasiya-Mədəniyyət Mərkəzinin Bakı ofisinin Mətbuat xidmətindən məlumat verilib. 

Bu gün Mədəniyyət Günləri çərçivəsində Müslüm Maqomayev adına Azərbaycan Dövlət Filarmoniyasında böyük konsert keçiriləcək. Konsertdə Qaraçay-Çərkəz Respublikasından çoxlu sayda yaradıcı qrup iştirak edəcək.

Nümayəndə heyətinə Qaraçay-Çərkəz Respublikasının mədəniyyət naziri Ramazan Borokov və Qaraçay-Çərkəz Respublikasının Əməkdar incəsənət xadimi İsmayıl Bayramkulov başçılıq edir.

Konsert saat 19:00-da başlayacaq. Giriş pulsuzdur.