Bakı. 24 aprel. REPORT.AZ/ Parisdə aprelin 26-27-də Maykl Vorbsın (Almaniya) sədrliyi ilə YUNESKO-nun İcraiyyə Şurası təşkilatın baş direktoru vəzifəsinə namizədlərlə müsahibə keçirəcək.
Bu barədə "Report" BMT-nin Xəbərlər Mərkəzinə istinadən məlumat verir.
Bildirilir ki, bu ilin martında YUNESKO-nun İcraiyyə Şurasının sədri rəsmi olaraq təşkilatın baş direktoru vəzifəsinə 9 namizədin adını açıqlayıb. Onların arasında Azərbaycanın Rusiyadakı səfiri Polad Bülbüloğlu da var. Digər namizədlər Vyetnam, Misir, Qətər, Çin, Qvatemala, İraq, Livan və Fransadandır.