Səyyad Əlizadənin son durumu açıqlanıb

Koronavirusa yoluxan müğənni Səyyad Əlizadənin son durumu açıqlanıb.

Qohumu "Report"a bildirib ki, müğənninin vəziyyətində heç bir irəliləyiş yoxdur.

"Həkimlərlə danışmışıq. Dedilər ki, Səyyad Əlizadənin durumu sabit ağır olaraq qalır. Heç bir müsbət dəyişiklik yoxdur", - sənətçinin qohumu vurğulayıb.

Qeyd edək ki, müğənni Səyyad Əlizadə 10 gün əvvəl koronavirusa yoluxub. O, Zığ qəsəbəsində yerləşən modul tipli xəstəxananın reanimasiya şöbəsinə yerləşdirilib və süni tənəffüs aparatına qoşulub.