Səfir: "Növbəti 2-3 ay ərzində Bakıda Hind Filmləri Festivalını keçirməyi planlaşdırırıq"

Bakı. 27 dekabr. REPORT.AZ/ "Növbəti 2-3 ay ərzində Bakıda Hind Filmləri Festivalını keçirməyi planlaşdırırıq".

"Report" xəbər verir ki, bunu jurnalistlərə Hindistanın Azərbaycandakı səfiri Sancay Rana deyib.

Onun sözlərinə görə, hazırda "Dharmendra-Məhəbbət elçisi" adlı filmin hind dilinə tərcüməsi üzərində işləyirlər: "Bəlkə, həmin təqdimat Hind Filmləri Festivalının başlanğıcı üçün zəmin yaradacaq. Biz də həmin dövrdə Hindistandan Azərbaycan dilinə subtitrlə verilən filmləri almalıyıq və daha sonra festivalın keçirilməsi nəzərdə tutulur. Məşhur hind aktyorlarının da festivalda iştirakı üçün işlər aparırıq. Kimlərin gələcəyini isə zaman göstərəcək".