Pakistan səfirliyi Bakıda Sitrus meyvələri festivalı keçirib

Pakistan səfirliyinin təşkilatçılığı ilə Bakıda keçirilən Sitrus meyvələri festivalında Pakistan portağalı, naringisi və kinnousu (mandarinin hibridi) nümayiş olunub.

“Report” xəbər verir ki, tədbirdə Pakistanın Azərbaycandakı səfiri Bilal Haye, Azərbaycan və Pakistanın ticarət palatalarının nümayəndələri, o cümlədən fud-blogerlər iştirak ediblər.

Festivalı giriş sözü ilə açan səfir qeyd edib ki, Pakistan festivalda təqdim olunan sitrus meyvələrini 30-dan çox ölkəyə ixrac edir və onların Azərbaycana tədarükünü artırmaq niyyətindədir.

Festivalda həmçinin naringi və portağaldan hazırlanan şirniyyatlar təqdim olunub.