"Dünya tarixini türk şəxsiyyətləri olmadan təsəvvür etmək mümkün deyil. Bunların arasında iki önəmli insanın adını xüsusi vurğulamaq lazımdır: Nizami Gəncəvi və Əlişir Nəvai. Bu şəxsiyyətlər düşüncə tarixinə önəmli əsərlər bəxş ediblər".
"Report" xəbər verir ki, bunu Özbəkistanın mədəniyyət naziri Ozodbek Nazarbekov Bakıda keçirilən Nizami Gəncəvi Beynəlxalq Forumunda çıxışında deyib.
"Nəvai "Xəmsə"sini yazanda Nizamidən ilhamlanıb və əsərlərində onun müəllimi olduğunu deyib. Özbəkistanda Nizaminin "Xəmsə"si tərcümə edilib və araşdırılıb", -o vurğulayıb.