Özbəkistanda Azərbaycan mədəniyyəti günlərinin keçirilməsi planlaşdırılır

Aprel ayında Özbəkistanda “Azərbaycan mədəniyyəti və ədəbiyyatı günləri”nin keçirilməsi planlaşdırılır.

Bunu “Report”a Özbəkistanın mədəniyyət nazirinin müavini Muradcan Məcidov bildirib.

Tədbirin Tərməz şəhərində keçirilməsi gözlənilir.

Nazir müavini bildirib ki, Özbəkistan Azərbaycanı 2022-ci ildə keçirilməsi planlaşdırılan “Muğam sənəti və onun rəqəmsal dünyada rolu” adlı II Beynəlxalq Konfransda, “Şərq təranələri” adlı beynəlxalq musiqi festivalında və Sənətlər festivalında iştirak etməyə dəvət etməyi planlaşdırır.