Naxçıvanda üç nəfərə “Əməkdar mədəniyyət işçisi” fəxri adı verilib

Bakı. 17 sentyabr. REPORT.AZ/ Naxçıvan Muxtar Respublikası Ali Məclisinin Sədri Vasif Talıbov sentyabrın 17-də “Əməkdar mədəniyyət işçisi” fəxri adının verilməsi haqqında sərəncam imzalayıb. 

"Report"un məlumatına görə, sərəncamla Naxçıvan Muxtar Respublikasında mədəniyyət sahəsində səmərəli fəaliyyətlərinə görə Əliyeva Günay Fərhad qızına, Əliyeva İlahə Yavər qızına, Əsgərov Məmməd Səməd oğluna “Əməkdar mədəniyyət işçisi” fəxri adı verilib.

Qeyd edək ki, Ali Məclisin Sədri hər il Milli Musiqi Günü münasibətilə muxtar respublikada səmərəli fəaliyyəti ilə fərqlənən mədəniyyət işçilərini təltif edir.