Ədalət Vəliyev ordenlə təltif edilib

Bakı. 5 mart. REPORT.AZ/ Prezident İlham Əliyev Ədalət Vəliyevin 3-cü dərəcəli “Əmək” ordeni ilə təltif edilməsi haqqında sərəncam imzalayıb.

“Report” xəbər verir ki, sərəncamla Azərbaycan Respublikasında mədəniyyət sahəsində uzunmüddətli səmərəli fəaliyyətinə görə Ədalət Məqsəd oğlu Vəliyev 3-cü dərəcəli “Əmək” ordeni ilə təltif edilib.

Qeyd edək ki, Ə.Vəliyevin 60 yaşı tamam olur. O, 1993-2006-cı illərdə mədəniyyət nazirinin müavini, 2006-2018-cı illərdə isə mədəniyyət və turizm nazirinin müavini vəzifəsində çalışıb.