Bakıda Polşa Kino Festivalı açılıb

Bakı. 23 noyabr. REPORT.AZ/ Bakıda Polşa Kino Festivalı açılıb.

"Report" xəbər verir ki, açılış mərasimində çıxış edən Polşanın Azərbaycandakı səfiri Marek Tsalka festivalın Bakıda üçüncü dəfə keçirildiyini və yerli publika tərəfindən böyük marağa səbəb olduğunu bildirib.

Səfir vurğulayıb ki, Polşa bu il müstəqilliyinin bərpasının 100 illiyini qeyd edir və buna görə də festivalın təşkilatçıları bu mövzuda olan filmləri təqdim etməyi qərar alıblar.

Festival rejisoor Yeji Hofmanın SSRİ-Polşa müharibəsindəki dönüş olan döyüşdən bəhs edən "Varşava döyüşü. 1920" filmi ilə açılıb.

Qeyd edək ki, festival noyabrın 28-dək davam edəcək. Festival çərçivəsində "Ədalətli", "Şəhər 44", "Sevgi vergisi" "80 milyon", "Çərçivəni aşaraq", "Gecə söhbətləri" kimi filmlər nümayiş etdiriləcək.

Filmlərin hamısı saat 19:00-da "Rotunda Jazz Hall"da nümayiş olunacaq və giriş pulsuzdur.