Bakıda “Bollivud Rəqsləri və Mahnıları” adlı konsert keçirilib

Azərbaycan Dillər Universitetində (ADU) “Bollivud Rəqsləri və Mahnıları” adlı konsert keçirilib.

“Report” xəbər verir ki, tədbir Hindistanın Bakıdakı səfirliyinin dəstəyi ilə təşkil edilib.

Açılışda çıxış edən Hindistan səfiri Bavitlunq Vanlalvavna göstərdiyi dəstək üçün ADU-ya və gözəl çıxışlarına görə bütün sənətçilərə təşəkkür edib.

Tədbirdə ADU-nun prorektoru Novruz Məmmədov, ADU-nun Beynəlxalq Əməkdaşlıq Şöbəsinin müdiri Anar Rəhimov və digərləri iştirak ediblər.