Azərbaycanın teatr kollektivi Oşda keçirilən festivalda iştirak edir - FOTO

Azərbaycanın teatr kollektivi Oşda keçirilən festivalda iştirak edir - FOTO Qırğız Respublikasının Oş şəhərində respublikanın Xalq artisti Jamal Seydakmatovanın 80 illik yubileyinə həsr olunmuş VII Beynəlxalq Teatr Festivalı başlayıb.
Mədəniyyət siyasəti
25 Sentyabr , 2019 11:16
Azərbaycanın teatr kollektivi Oşda keçirilən festivalda iştirak edir - FOTO

Qırğız Respublikasının Oş şəhərində respublikanın Xalq artisti Jamal Seydakmatovanın 80 illik yubileyinə həsr olunmuş VII Beynəlxalq Teatr Festivalı başlayıb.

"Report" Qırğız KİV-inə istinadən xəbər verir ki, festivalın qonaqları - Azərbaycan, Türkiyə, Qazaxıstan, Tacikistan, Özbəkistan və Qırğız Respublikasından olan yaradıcı qruplar Sultan İbrahimov adına Oş Milli Dram Teatrının yaxınlığındakı qırmızı xalıdan keçiblər.

Açılış mərasiminin sonunda Muratbek Rıskulov adına Narin Vilayət Akademik Musiqi və Dram Teatrının aktyorları Çingiz Aytmatovun eyniadlı əsəri əsasında hazırlanmış "Cəmil" lirik dramını nümayiş etdiriblər.

Qeyd edək ki, qırğız, sovet teatr və kino aktrisası olan J.Seydakmatova Qırğızıstan SSR-nin Xalq artistidir (1976). O, Toktoqul Satılqanov adına Qırğızıstan SSR Dövlət Mükafatı laureatı olub (1986), eyni zamanda III dərəcəli (2003) və II dərəcəli (2019) "Manas" ordeninə layiq görülüb.

Son xəbərlər

Orphus sistemi