Azad edilmiş ərazilərdə 182 yeni abidənin monitorinqi aparılıb

Azad edilmiş ərazilərdə dövlət qeydiyyatında olmayan tarixi, memarlıq və arxeoloji əlamət daşıyan 182 obyektin (yeni aşkar olunmuş abidənin) monitorinqi aparılıb.

"Report" xəbər verir ki, bu barədə Mədəniyyət nazirliyi yanında Mədəni irsin qorunması, bərpası və inkişafı Dövlət Xidmətinin rəisi Səbinə Hacıyeva Azərbaycanda ilk dəfə keçirilən "Mədəni irs" forumunun ikinci günündə çıxışı zamanı məlumat verib.

"2020-ci ilin noyabrın 3-dən etibarən işğaldan azad olunmuş ərazilərimizdə abidələrin ilkin inventarlaşdırılması işlərinə başlanılıb, nəticədə cari dövrə qədər dövlət qeydiyyatında olan 433 tarix-mədəniyyət abidəsinə baxış keçirilib və müvafiq məlumatlar toplanıb", - o bildirib.