Yuxarı
    Bağlamaq

    Azərbaycanda IV Bakı Beynəlxalq Humanitar Forumu başlayıb

    Rəsmi açılışdan sonra forum öz işini 8 dəyirmi masa ilə davam edəcək

    • Bakı. 2 oktyabr. REPORT.AZ/ Azərbaycanda IV Bakı Beynəlxalq Humanitar Forumu keçirilir. "Report"un məlumatına görə, Heydər Əliyev Mərkəzində forumun rəsmi açılış mərasimi olub.
    • Forum öz işini dünyanın müxtəlif ölkələrindən siyasi, elmi və mədəniyyət elitasının görkəmli nümayəndələrinin iştirakı ilə 8 dəyirmi masa ilə davam edəcək. 
    • İştirakçılar "Multikulturalizmin müqayisəli tədqiqləri", "Rəqəmsal dövrdə medianın transformasiyası: inkişafın yeni meyilləri", "İnnovativ inkişafda fənlərarası inteqrasiyanın rolu", "Davamlı inkişaf və ekoloji sivilizasiya", "Qloballaşmanın çağırışları: ənənə və transformasiya arasında", "Molekulyar biologiya və biotexnologiya XXI əsrdə: nəzəriyyə, təcrübə, perspektivlər", "Texnologiyaların konvergensiyası və gələcəyin konturları: XXI əsrin əsas çağırışları", "Humanizm postmodern dövrün başlıca dəyəri kimi" mövzularında fikir mübadiləsi aparacaq.
    • Qeyd edək ki, forum çərçivəsində Bakı Beynəlxalq Multikulturalizm Mərkəzinin təqdimetmə mərasiminin keçirilməsi də planlaşdırılır.
    • Bakı Beynəlxalq Humanitar Forumu – bəşəriyyətdə maraq doğuran qlobal xarakterli məsələlərə dair geniş spektrli dialoqlar, fikir mübadilələri və müzakirələr aparmaq məqsədi ilə hər il tanınmış dövlət xadimlərini, elmin müxtəlif sahələri üzrə Nobel mükafatı qaliblərini və nüfuzlu beynəlxalq təşkilatların rəhbərlərini, o cümlədən dünyanın siyasi, elmi və mədəni elitasının görkəmli nümayəndələrini bir araya toplayan tədbirdir.
    • 2010-cu il Forumunun təşəbbüsçüləri Azərbaycanın  prezidenti İlham Əliyev və onun həmkarı, Rusiyanın Prezidenti Dmitri Medvedev olub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi