Anar Kərimov: "Nizami Gəncəvi Şərq və Qərb yazarlarının fikir mənbəyi olub"

"Azərbaycan Nizami Gəncəvi dəyərlərinə hər zaman sahib çıxıb".

"Report" xəbər verir ki, bunu mədəniyyət naziri Anar Kərimov Bakıda keçirilən Nizami Gəncəvi Beynəlxalq Forumunda çıxışında deyib.

Onun sözlərinə görə, əcdadlardan qalan dəyərlər xalq tərəfindən canlandırılır və davam etdirilir: "Nizami Gəncəvinin ideya dəyərləri həm yerli, həm də Şərq və Qərb yazarlarının fikir mənbəyi olub. Tədqiqatçılardan Dante, Şekspir, Höte, Rustavelinin əsərlərində Nizami Gəncəvi təsirini izləyib. Biz bu tədbirlə Nizami Gəncəviyə sahib çıxırıq".