Rusiyada qanadı zədələnmiş göyərçin yardım üçün baytarların yanına uçub - FOTO

Bakı. 26 noyabr. REPORT.AZ/ Rusiyada qanadı zədələnmiş göyərçin yardım üçün veterinarların yanına uçub.

"Report" bu ölkənin mətbuatına istinadən bildirir ki, maraqlı hadisə Omskda baş verib.

Məlumata görə, yaralı quş əvvəlcə kömək üçün pəncərəni tıqqıldadıb. O, sınıq çiyin sümüyünün əməliyyat olunması üçün mütəxəssislərə verilib.

Bildirilir ki, həkimlərin müdaxiləsindən sonra quş bərpa dövrünü keçəcək. Ağ göyərçinə Frenk adını veriblər. Qərara alınıb ki, heyvan tam sağalana qədər ona qayğı göstərilsin.