Yuxarı
    Bağlamaq

    Mexikoya uçan təyyarədə ilan aşkar olunub

    Sərnişinlər arasında zərər çəkən olmayıb

    Bakı. 8 noyabr. REPORT.AZ/ Bazar ertəsi Meksikanın Torreon şəhərində paytaxt Mexiko istiqamətində uçan "Aeromexico" aviaşirkətinə məxsus təyyarənin salonunda kiçik zəhərsiz ilan aşkar olunub.

    "Report" xəbər verir ki, bu barədə aviadaşıyıcının məlumatında bildirilir.

    Məlumata görə, göyərtədə təşviş olmayıb. Qəbul olunan qaydalar çərçivəsində, tədbir görülüb, təyyarə eniş edib. Heç kim zərər çəkməyib. Baytarlıq nəzarəti xidməti sürünənin Meksikanın şimal hissəsində yaşayan növlərdən birinə aid olduğunu bildirib.

    "Biz yerli icra orqanları ilə birgə ilanın göyərtəyə necə daxil olduğunu, içəri özü keçdiyini və ya sərnişinlərdən kiminsə əl çantası ilə keçirildiyini araşdırırıq", - deyə "Aeromexico" aviaşirkətindən bildirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi