Yuxarı
    Bağlamaq

    Kosmos tarixində rekord: ən yaşlı qadın astronavt kosmosa uçub

    Əvvəlki uçuşlar zamanı o, 6 dəfə açıq kosmosda olub

    Bakı. 18 noyabr. REPORT.AZ/ Amerikalı 57 yaşlı astronavt Peqqi Uitson tarixdə kosmosa uçan ən yaşlı qadın olub.

    "Report" BBC-yə istinadən xəbər verir ki, o, bu rekordu Baykonur kosmodromundan Beynəlxalq Kosmik Stansiyasına üçüncü uçuşunu etməklə vurub.

    İnformasiyaya əsasən, "Soyuz" kosmik aparatı onu, rusiyalı Oleq Novitski və ilk dəfə kosmosa uçan fransalı astronavt Tom Peski Beynəlxalq Kosmik Stansiyaya çatdıracaq.

    Xəbərə görə, onlar noyabrın 19-da stansiyaya yetişəcəklər. 2017-ci ilin mayınadək heyət stansiyada bir sıra təcrübələr həyata keçirəcək.

    Məlumatda bildirilib ki, Piqqi Uitson açıq kosmosda bir gündən artıq qalan ilk amerikalı astronavt olmaqla daha bir rekorda imza atacaq. Əvvəlki uçuşlar zamanı o, 6 dəfə açıq kosmosda olub.

    Qeyd edək ki, Uitson ABŞ-ın Ayova ştatında doğulub. İlk dəfə 2002-ci ildə kosmosa uçub. 2007-ci ildə isə Beynəlxalq Kosmik Stansiyanın tarixində ekipajın ilk qadın-komandiri olub. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi