Yuxarı

​Kolumbiya üsyançıları "Dünya gözəli"ni danışıqlarda vasitəçi olmağa dəvət ediblər

Paulina Veqa özü belə bir ehtimalın olduğunu xatırladıb

Bakı. 8 fevral. REPORT.AZ/ Kolumbiyanın FARK (Kolumbiya İnqilabi Silahlı Qüvvələri) qruplaşmasının üsyançıları 2014-cü ildə "Kainat gözəli" olmuş Paulina Veqanı hökumət ilə danışıqlarda vasitəçi olmağa dəvət ediblər.

"Report" "BBC News"a istinadən xəbər verir ki, FARK-ın saytında dərc olunan bəyanatda kolumbiyalı Veqanın dünya gözəli tacı uğrunda mübarizə apardığı zaman özünün belə bir ehtimal ilə çıxış etdiyi qeyd olunur.

Paulina hələ ki, üsyançıların təklifinə cavab verməyib. FARK-ın bəyanatında isə dünya gözəlinin danışıqlarda məhz nə ilə köməklik göstərə biləcəyi bildirilmir.

Qeyd edək ki, FARK üsyançıları 50 ildən artıqdır hökumətə qarşı partizan müharibəsi aparırlar.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi