Yuxarı
    Bağlamaq

    Alimlər Günəş sistemində daha bir planet aşkarlayıb

    Tədqiqatçıların fikrincə, planet Yerdən Neptunun orbiti ilə müqayisədə təxminən 20 dəfə uzaq məsafədə yerləşir

    Bakı. 21 yanvar. REPORT.AZ/ Kaliforniya Texnologiya İnstitutunun alimləri Maykl Braun və Konstantin Batıgin Günəş sistemində daha bir, doqquzuncu planetin olması qənaətinə gəlib.

    "Report" xarici KİV-ə istinadən xəbər verir ki, bu planetin kütləsi Yerinkindən 10 dəfə çoxdur. Tədqiqatçıların fikrincə, planet Yerdən Neptunun orbiti ilə müqayisədə təxminən 20 dəfə uzaq məsafədə yerləşir.

    Alimlər planeti günəş sisteminin periferiyasında olan "uzaq kosmos"a atılan nəhəng qaz toplusu hesab edir. Onun "uzaqda" qalmasının səbəbi kimi isə Yupiter və Saturn planetlərinin cazibə qüvvələrini göstəriblər.

    Tədqiqatın müəllifləri hesab edir ki, müasir optik texnika buna imkan verməsə də, növbəti beş ildə astronomlar teleskop vasitəsilə "yeni" planeti görə biləcək. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi