Yeri asteroidlə toqquşma təhlükəsi gözləyir

Noyabrın əvvəlində Yer kürəsinə asteroid düşə bilər.

“Report” xarici mətbuata istinadən xəbər verir ki, bu barədə ABŞ astrofiziki Nil Deqrass Tayson bildirib.

O, qeyd edib ki, hadisə noyabrın 2-də baş verəcək.

"Kosmik daş 2018VP1 asteroidi saatda 25 min mildən çox sürətlə bizə tərəf yaxınlaşır. O, noyabrın 2-də Yer kürəsinə düşə bilər", - alim özünün “Instagram”dakı hesabında yazıb.

Tayson qeyd edib ki, asteroid Yer kürəsinə ziyan vuracaq qədər böyük ölçüdə deyil.