Yaşamaq üçün ən ucuz şəhərlər açıqlanıb

Bakı. 3 iyul. REPORT.AZ/ Yaşamaq üçün 560 avronun yetərli olduğu ən ucuz şəhər Misirin paytaxtı Qahirə şəhəri olub.

"Report" "RİA Novosti"yə istinadən xəbər verir ki, reytinq cədvəlinin hazırlanmasında ilk bir ay üçün lazım olan vəsait nəzərdə tutulub. Bura mənzilin kirayəsi, internetin ödənilməsi, qidalanma, nəqliyyat və telefon daxildir.

İkinci yerdə Hindistanın Banqalor şəhəri (634 avro), üçüncü yerdə isə Buxarestdir (644 avro).

Reytinq cədvəlinə görə, ən bahalı şəhər Dubaydır (3,6 min avro). Avropa şəhərləri arasında isə London ən bahalı şəhər hesab olunur (2,7 min avro). Moskva 899 avro ilə 68-ci yerdə qərarlaşıb.