Yaponiyada köhnə həbsxana mehmanxana kimi fəaliyyətə başlayacaq - VİDEO - FOTO

Yaponiyada ən köhnə həbsxana 2021-ci ildə birinci dərəcəli mehmanxana kimi açılacaq.

"Report" xəbər verir ki, bu barədə "News On Japan" yapon mehmanxanalarının beynəlxalq şəbəkəsi "Hoshino Resorts"a istinadən bildirib

Qeyd edilir ki, tarixi Nara həbsxanası tezliklə əsaslı dəyişikliklərə məruz qalacaq. Yenidənqurma işlərinə 136 milyon dollar xərclənəcək.

Mühəndislərin planına əsasən həbsxananın beş binasından dördündə mehmanxana üçün onlarla nömrə hazırlanacaq.

Məhbuslar üçün yüksək tavanlı kameralar gələcək kirayənişinlər üçün otaqlar kimi istifadə olunacaq.