Venesiyada İkinci Dünya müharibəsindən qalmış bomba aşkarlanıb - FOTO

Venesiyanın materik hissəsində İkinci Dünya Müharibəsindən qalmış bombanın aşkar edilməsinə görə 3,5 mindən çox yerli sakin təxliyə edilib.

“Report”un məlumatına görə, bu barədə “Deusche Welle” xəbər verib.

Qeyd edilir ki, İkinci Dünya müharibəsi vaxtından qalmış təyyarə bombasının zərərsizləşdirilməsi üzrə əməliyyat müvəffəqiyyətlə başa çatıb – bomba açıq dənizə aparılıb və orada partladılıb.

Müharibə zamanı ABŞ aviasiyası tərəfindən atılmış bombanın çəkisi 250 kiloqram olub. Mərmi Marqera yaşayış məntəqəsində kanalizasiyanın tikintisi zamanı aşkarlanıb. Meriya qeyd edib ki, ekskavatorçunun ona toxunmasına baxmayaraq xoşbəxtlikdən mərmi partlamayıb.