Tanınmış aktyorun koronavirusa yoluxduğu iddia edilir

Tanınmış çinli aktyor Ceki Çanın koronavirusa yoluxması ilə bağlı məlumatlar yayılıb.

“Report” Türkiyə KİV-inə istinadən xəbər verir ki, 65 yaşlı əfsanəvi aktyorun iştirak etdiyi ziyafətdə qonaqlardan birində koronavirus aşkarlandığı və bu səbəbdən karantinə alındığı bildirilib.

Qeyd edək ki, çinli aktyor koronavirusun müalicəsini tapana 1 milyon yuan mükafat verəcəyini açıqlamışdı.