On altıncı mərtəbədən yıxılan qadın sağ qalıb

Rusiyanın paytaxtı Moskvada 16-cı mərtəbədən yıxılan qadın sağ qalıb.

“Report” “RİA Novosti”yə istinadən xəbər verir ki, hadisə paytaxtın şərqindəki Novokosino küçəsində baş verib.

Bildirilib ki, 25 yaşlı qadın qarla örtülmüş bina girişinin damına düşüb. Hazırda o, xəstəxanaya yerləşdirilib.

“Mash”in yaydığı videogörüntüdə qadının düşmədən öncə pəncərə altında ayaqları bayıra asılmış şəkildə oturması öz əksini tapıb.