İndoneziyada qaya üzərində çəkilmiş ən qədim şəkillər aşkar olunub

Vəhşi heyvanların təsvirləri və insan əllərinin trafaret şəkilləri İndoneziyanın Sulavesi adasındakı mağaraların birində tapılıb. Alimlər hesab edirlər ki, tapılan petroqliflərin ən qədiminin 40 mindən artıq yaşı var. 

Mağarada, həmçinin 27 min il əvvəl çəkilən şəkillər də var. Alimlər belə nəticəyə gəliblər ki, orada yaşayan insanların nəsilləri ən azı 13 min il ərzində şəkil çəkməklə məşğul olublar.