İlon Mask 2050-ci ilə qədər Marsa milyon insan göndərəcək

“SpaceX”in banisi İlon Mask Marsa 2050-ci ilə milyon insan göndərmək planlarından danışıb.

“Report” xəbər verir ki, bu barədə “Business Insider” bildirib.

Qeyd edilir ki, hazırda “SpaceX”in inşa etdiyi uzunmüddətli istifadə üçün nəzərdə tutulan “Dragon Crew” hava gəmisi Marsın müstəmləkələşdirməsi üzrə geniş miqyaslı planın hissəsidir.

Maskın planlarına Marsa XXI əsrin ortalarına qədər gündə üç hava gəmisi göndərmək daxildir.

Onun fikrincə, hazırlıq kosmosa səyahətləri hamı üçün əlçatan edəcək.

Güman edilir ki, “Dragon Crew” və “Starship” gəmiləri eyni zamanda 100 insan və 100 tona qədər yük qəbul etmək imkanına malik olacaq.