Bu proqram eyni musiqini dinləyənləri müəyyənləşdirəcək

Dünyada hər saniyə 30 mindən çox “Spotify” istifadəçisi eyni mahnını qoşur.

“Report” xəbər verir ki, bunu müəyyənləşdirmək üçün “Spotify” servisinin əməkdaşları “Listening Together” saytını işə salıblar.

Bu sayt çalan kompozisiyanın parçasını eyni anda başqa kimin dinlədiyini göstərəcək.

Həmin saytda eyni anda eyni mahnıya qulaq asan başqa iki insanın dünyanın hansı bucağında olduğu da göstəriləcək.

“Spotify” nümayəndələrinin sözlərinə görə, bu ideyanı hələ 2014-cü ildə rəssam Kayl Makdonald gerçəkləşdirib, ancaq o zaman servisin elə də çox istifadəçisi olmayıb.

Qeyd edək ki, Azərbaycanda “Spotify” servisi hələlik dəstəklənmir.