ABŞ-ın ən yaşlı qadını dünyasını dəyişib

Bakı. 9 yanvar. REPORT.AZ/ ABŞ-ın Ohayo ştatının Klivlend-Hayts şəhərindən olan ən yaşlı sakini Lessi Braun 114 yaşında vəfat edib.

“Report” xəbər verir ki, bu barədə qadının ailəsinə istinadən "Cleveland.com" portalı məlumat yayıb.

Braunun nəvəsinin sözlərinə görə, nənəsinin uzunömürlülüyünün sirri "şirin kartof və Allaha inam" olub.

Amerika uzunömürlüsünün 1904-cü ildə Atlanta şəhərində doğulduğu, 18 yaşında Ohayoya köçdüyü bildirilir.

Qadının 50-dən çox nəvə-nəticəsinin olduğu qeyd olunur.