ABŞ-da məktəbdə 15 müəllimədən 7-si hamilə qalıb

ABŞ-ın Kanzas ştatının Qoddard şəhərində yerləşən ibtidai məktəbdə (“Oak Street Elementary School”) 7 müəllimə hamilə qalıb.

“Report” Rusiya KİV-inə istinadən xəbər verir ki, bu barədə məktəbin direktoru Eşli Miller bildirib.

Onun sözlərinə görə, məktəbin 15 müəllimindən 7-si hamilə qalıb. O, təcrübədə belə halla ilk dəfə rastlaşdığını qeyd edib. Direktor analıq məzuniyyətinə çıxan hamilə müəllimələrin yerinə yenilərini tapa bilib. Onlardan ikisi mart ayında bir sutka fərqi ilə uşaq dünyaya gətiriblər. Qalan müəllimələr isə oktyabradək müxtəlif vaxtda doğum evinə gedəcəklər.