ABŞ-da 35 il əvvəl şüşə butulkada göndərilən məktub tapıldı

Delaver ştatının sakini Bred Vaçsmuh çaydan 35 il bundan əvvəl içərisində məktub olan şüşə butulka tapıb. 

"Report" "RİA Novosti"yə istinadən xəbər verir ki, bu barədə UPI məlumat yayıb 

Bred bildirib ki, o Brodhil çayında kayakla gəzirdi və orda içərisində nəsə olan butulka görür. Çayın sahilinə gedərək butulkanın içərisindəki məktubu  çıxarır. Məktub isə 1 avqust 1985-ci ildə yazılıb. Məktubda Keti Riddl və Steysi Uells bacıları öz həyatları və sevimli ev heyvanları barəsində fikirlərini bölüşüblər. 

Milton adlı tarix cəmiyyəti isə Vaçsmuha həmin o məktubun sahibi olan bacıları tapmağa yardımçı olub.