Yuxarı

Zakir Nuriyev: "ABB ilə bağlı bank münasibətlərində hər hansı problem yaşanmayıb"

Zakir Nuriyev: "ABB ilə bağlı bank münasibətlərində hər hansı problem yaşanmayıb"

ABA sədri hesab edir ki, yerli kredit təşkilatlarının xaricdən intensiv şəkildə borc almasına ehtiyac yoxdur
© Report — Zakir Nuriyev

Bakı. 31 may. REPORT.AZ/ "Düşünmürəm ki, Azərbaycan Beynəlxalq Bankı (ABB) ətrafında baş verənlər ölkədə banklararası, eləcə də əhali və banklar arasında münasibətlərə təsir edib".

"Report" xəbər verir ki, bunu jurnalistlərə açıqlamasında Azərbaycan Banklar Assosiasiyasının (ABA) sədri Zakir Nuriyev deyib.

"Dövlət ABB-nin öhdəlikləri ilə bağlı üzərinə düşən öhdəlikləri yerinə yetirib və Banka kifayət qədər likvidlik verib, buna görə də ölkədaxili bank münasibətlərində hər hansı problem yaşanmayıb", - deyə Z.Nuriyev qeyd edib.

ABA sədrinin sözlərinə görə, ABB ilə bağlı vəziyyətin Azərbaycanın digər banklarının xaricdən vəsait cəlb etməsinə necə təsir edəcəyini zaman göstərəcək, amma hələ ki, yerli kredit təşkilatlarının xaricdən intensiv şəkildə borc almasına ehtiyac yoxdur: "Xaricdən cəlb edilmiş vəsaitlərin yerləşdirilməsinə dair müəyyən məhdudiyyətlər var". 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi