Yuxarı
    Bağlamaq

    Yaponiya Mərkəzi Bankı uçot dərəcəsini sabit saxlayıb

    Bank 2020-ci ildə keçiriləcək olimpiadanın iqtisadi artımı dəstəkləyəcəyini bildirir

    Bakı. 31 yanvar. REPORT.AZ/ Yaponiya Mərkəzi Bankı (BoJ) bu ilin ilk iclasında ultra-yumşaq monetar siyasətini dəyişdirməyib. "Report" "Vestifinance" saytına istinadən xəbər verir ki, bununla da BoJ 10 illik dövlət istiqrazları üzrə faiz dərəcəsini 0%, kommersiya banklarının Mərkəzi Bankda depozitləri üzrə faizləri isə -0,1% səviyyəsində saxlayıb. 

    BoJ bunu kreditləşmə şərtlərinin uyğun olması, ixracın artması, o cümlədən 2020-ci ildə Tokioda keçiriləcək olimpiadaya görə dövlət və korporativ xərclərin artması ilə əsaslandırıb. Bank rəsmiləri qeyd edirlər ki, martin 31-də bitən maliyyə ilində Yaponiya iqtisadiyyatı 1,4% artım göstərəcək. Bu da 1% olan əvvəlki proqnozdan yuxarıdır. Bank 2017-ci il üçün 1,5%, 2018-ci il üçün isə 1,1% səviyyəsində iqtisadi artım gözlədiyini açıqlayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi